Plenković: Nije planiran sastanak s Komšićem

Hrvatski evroparlamentarci želeli su pismom predsjednicima Evropskog parlamenta, Savjeta i Komisije da dodatno skrenu pažnju evropskim čelnicima o potrebi legitimne zastupljenosti Hrvata u svim institucijama BiH, a posebno u njegovom predsjedništvu, rekao je danas hrvatski premijer Andrej Plenković.

Komentarišući pismo svih 11 hrvatskih evroparlamentaraca poslano u četvrtak čelnicima evropskih institucija, Plenković je rekao da misli da je ta poruka u cjelosti kompatibilna s onim što je govorio na Evropskom savjetu.

U tom pismu se izražava duboka zabrinutost činjenicom da su hrvatskog predstavnika u Predsjedništvu BiH Željka Komšića izabrali Bošnjaci, dok je velika većina Hrvata glasala za drugog kandidata Dragana Čovića.

Upitan hoće li se uskoro sastati s Komšićem, premijer je kazao da to nije planirano.
“On je član Predsjedništva i njegova glavna sagovornica je predsjednica, nismo uopšte tako nešto još planirali”, kazao je Plenković.